Charter Document - 01950038
| Charter Number: | 01950038 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1162 - 1166 |
| Date type: | Assigned |
| Resource Link(s): |
TELMA - Chartae galliae |
Charter:
Thomas dei gratia Cantuariensis ecclesie minister humilis Arraudo abbati et fratribus S Benedicti super Ligerim salutem Que semel recte facta esse noscuntur ideo scripto committuntur ne tractu temporis in irritum revocentur vel iniustis quoquo modo concussionibus perturbentur Ea propter carissimi in domino fratres vestris iustis postulationibus gratum prebentes assensum ecclesiam beati Andree de Mintingues cum villa eiusdem loci et ecclesiam omnium sanctorum de Gottebi cum omnibus que donatione nobilis viri Ranulfi comitis Cestrie in illis partibus rationabiliter possidetis quemadmodum a bone memorie Theobaldo predecessore nostro et a venerabili fratre nostro Roberto Lincolniensi episcopo cum assensu eiusdem comitis monasterio vestro concessa sunt et confirmata ut scripta eorum testantur vobis et per vos monasterio vestro auctoritate nostra confirmamus Et ut hec confirmatio nostra rata et illibata permaneat presentis eam scripti attestatione et sigilli nostri munimine roboramus salva in omnibus Lincolniensis ecclesie reverentia et illius episcopi debita reverentia Valete