Charter Document - 01950034
| Charter Number: | 01950034 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1163 |
| Date type: | Internal, A.D., Feast |
| Resource Link(s): |
|
Charter:
Thom[as] dei gratia Cantuariensis ecclesie minister humilis universis sancte matris ecclesie fidelibus salutem Publice notum est Gaufridum de Mandevill multa dampna monasterio de Rameseia tempore hostilitatis irrogasse Quapropter comes Gaufridus filius eius pro patre suo satisfacere desiderans cum Willelmo abbate monachisque cenobii de Rameseia in hunc modum composuit Triennio isto solvet prefatus comes monachis annuos centum solidos medietatem ad festum sancti Michaelis medietatem ad Pasca et antequam compleatur hoc triennium assignabit comes Gaufridus cenobio de Rameseia redditum centum solidorum loco oportuno et commodo in terris vel in ecclesiis Quod se facturum sub fidei religione in nostra manu promisit presente venerabili fratre nostro Hylario Cicestrensi episcopo et assidentibus nobis clericis nostris Roberto archidiacono de Oxineford Iohanne de Tyleb[eri] Roberto de Bellafago Stephano de Echetona Willelmo de Leigr[e]c[estre] Hec conventio facta est apud Winlesoveram anno ab incarnatione domini MCLXIII primo Sabbato post octabas Pasce