Charter Document - 01950030
| Charter Number: | 01950030 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1166 |
| Date type: | Assigned |
| Resource Link(s): |
|
Charter:
Thomas dei gratia Cantuariensis ecclesie humilis minister venerabilibus fratribus G Lundoniensi episcopo ceterisque omnibus eiusdem ecclesie Cantuariensis suffraganeis salutem Literas domini pape tam nobis quam vobis destinatas accepimus et iamque iuxta tenorem earum comitem H et W de Vals qui bona et possessiones ecclesie de Panteneia invadere presumpserunt excommunicavimus et excommunicatos denuntiamus vobis et in virtute obedientie precipiendo mandamus ut eosdem iuxta mandatum domini pape anathematis gladio innodatos accensis candelis publice nuntietis et sicut excommunicatos per dioceses vestras faciatis ab omnibus evitari donec ecclesie predicte ablata universa restituant et de iniuriis illatis condignam sibi satisfactionem exibeant Alanum quoque de Nova villa qui violentas in W cappellanum nostrum manus iniecit excommunicavimus et ut eum excommunicatum per parrochias vestras publice nuntietis in vi obedientie vobis precipimus Tibi etiam frater Lundon damus in mandatis quatinus literas nostras quibus respondemus literis vestris quas tu et alii fratres nostri per Nicholaum archidiaconum Lundoniensem et per Ricardum de Amari nobis misisti ipsis fratribus omnibus ostendas Val