Charter Document - 01950026
| Charter Number: | 01950026 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1167 |
| Date type: | Assigned |
| Resource Link(s): |
|
Charter:
Thomas dei gratia Cantuariensis ecclesie minister humilis venerabili fratri W eadem gratia Rofensi episcopo Gwiberto priori Cantuariensis ecclesie Gaufrido eiusdem ecclesie archidiacono omnibusque sancte matris ecclesie filiis ad quos litere iste pervenerint salutem Noverit universitas vestra quod nos ecclesiam beate Marie et beate Sexburge de Scapeya compatientes inopie sanctimonialium ibidem deo militantium ab auxilio annuo quod archidiaconus ab eadem ecclesia exigere solebat et exactione liberam et quietam constituimus prohibentes sub anathemate ne quis de cetero seu archidiaconus seu alius pretaxatum auxilium ab ipsis sanctimonialibus vel a monasterio suo exigere presumant Testibus Roberto capellano Gilberto capellano magistro Lumbardo magistro Guntero Rogero cancellario Alano et aliis