Charter Document - 01950021
| Charter Number: | 01950021 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1162 - 1164 |
| Date type: | Assigned |
| Resource Link(s): |
|
Charter:
Thomas dei gratia Cantuariensis ecclesie minister humilis universis sancte matris ecclesie fidelibus salutem Operibus karitatis facilem debemus adhibere assensum quocirca universitati vestre manifestum esse volumus nos auctoritate nostra ratum habere quod canonici de Lilleshull communi assensu super ecclesia de Ettingham canonice statuerunt videlicet ut ipsa cum omnibus pertinentiis suis de cetero ad officium hospitalitatis domus sue de Lilleshull deputata sit Decernimus itaque et presentis scripti auctoritate communimus ut ad dictum domus obsequium ecclesia illa inperpetuum assignata permaneat et nullus omnino fidelium eam inde avellere presumat si dei omnipotentis iram et nostram veretur incurrere maledictionem Valete