Charter Document - 01950016
| Charter Number: | 01950016 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 - 1164 |
| Date type: | Assigned |
| Resource Link(s): |
|
Charter:
Thom[as] dei gratia Cantuariensis ecclesie minister humilis universis sancte matris ecclesie filiis salutem Karitatis officium est Christi servos et ancillas fovere et tueri eos maxime quos urget cotidie rei familiaris inopia Ea propter dilectas filias nostras sanctimoniales de bosco de Ivingehou sub dei et nostra protectione suscepimus et omnes possessiones suas quas venerabilis frater Willelmus quondam Wintoniensis episcopus eis dedit et postea Henricus successor ipsius concessit et carta sua confirmavit et omnes illas quas ex dono Milonis Neirenuit eiusdem carta confirmatas adepte sunt terram quoque quam ex dono Willelmi de Pichenestorre consecute sunt necnon et alias omnes possessiones suas quas canonice adquisiverunt vel in futurum adquisiture sunt eisdem sanctimonialibus confirmamus et presentis sigilli munimine roboramus statuentes nequis eas subtrahere aut diminuere ius suum presumat nisi iram dei et nostram maledictionem incurrere contempnat Valete