Charter Document - 01950015
| Charter Number: | 01950015 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1162 - 1164 |
| Date type: | Assigned |
| Resource Link(s): |
|
Charter:
Thomas dei gratia Cantuariensis ecclesie minister humilis universis sancte matris ecclesie fidelibus salutem Que a venerabilibus fratribus nostris et episcopis canonice data et concessa sunt ea firma permanere volumus et rata habemus Inde est quod ecclesiam de Wynford quam venerabilis frater noster Iocelinus Saresberiensis episcopus sacro conventui Glastonie cum capellis terris decimis aliisque pertinentiis in elemosinam canonice dedit et carta sua confirmavit eidem sacro conventui Glastonie concedimus et auctoritate nostra confirmamus precipientes ut libere et quiete ipsam ecclesiam cum pertinentiis suis possideant Ne quis predictum conventum a predicta ecclesia inde molestare presumat ex parte dei omnipotentis patris et filii et spiritus sancti necnon beatissime Marie matris redemptoris nostri firmiter inhibemus Amen