Charter Document - 01941085
| Charter Number: | 01941085 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1298 |
| Date type: | Internal, Calendar, Episcopal |
| Resource Link(s): |
Borthwick Institute - Register 5 (f22r) |
Charter:
H[enricus] permissione Divina Ebor archiepiscopus Anglie primas dilectis et fidis suis Johanni de Vallibus et Rogero de Wychton salutem gratiam et benedictionem Cum libertatem nostram de Hextildesham et alias partes vicinas gens Scotie pluries invaserit inimica dampna quam plurima tam in ecclesiis et locis rebusque ad ecclesias pertinentibus quam in laico feodo et alio modo crudeliter faciendo nos de dispendiis et transgressionibus hujusmodi ex certa causa certiorari volentes vobis in fide qua nobis tenemini firmiter injungimus et mandamus quatinus diligentius [et] celerius quo poteritis cum solemnitate qua convenit inquiratis que dampna et ad quantam estimationem gens ipsa infra libertatem predictam tam in ecclesiis et locis aliis ecclesiasticis quam in laicis feodis fecerit qui etiam ea intulerint quibus ubi qualiter et quomodo Et quicquid inquisierimus in premissis nobis distincte et aperte per vestras literas et illorum per quos facta fuerit inquisitio sigillis signatas constare quanto citius faciatis In cujus rei testimonium sigillum nostrum presentibus est appensum Data apud Thorp xiiij kalendas Julii anno [] [primo]