Charter Document - 01941040
| Charter Number: | 01941040 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1313 |
| Date type: | Internal, A.D., Calendar |
| Resource Link(s): |
Borthwick Institute - Register 8 (f265r) |
Charter:
Venerabili in Christo fratri domino Ricardus Dei gratia Dunolm episcopo Willelmus [] salutem et sincere caritatis in Domino continuum incrementum Excommunicatorum nomina claves ecclesie contemnentium in locis ubi conversari dicuntur Christi fidelibus expedit publicari ut dum a liminibus ecclesie et communione hominum excluduntur saltem rubore suffusi ad humilitatis gratiam et reconciliationis affectum citius inclinentur Cum itaque frater Willelmus de Morpath canonicus monasterii de Hextildesham nostra jurisdictionis propter ipsius manifestam offensam per nos auctoritate ordinaria exigente justitia majoris excommunicationis sententia sit ligatus ac idem frater Willelmus infra vestram dioecesim ut dicitur commoratur fraternitatem vestram ortamur in Domino quatinus eundem fratrem Willelmum sic excommunicatum esse in solemnioribus locis vestre dioeceseos et specialiter apud Morpath ubi ut dicitur frequentius conversatur ac aliis quibus expedire videbitur diebus Dominicis et festivis faciatis solempniter publicari ne sua contagione pestifera oves aliquas inficiat gregis vestri Et quid feceritis in premissis nobis si placet citra Octavas Epiphanie Domini constare faciatis per vestras patentes literas harum seriem continentes Conservet vos Dominus ad ecclesie vestre regimen per tempora longiora Data apud Scroby sexto decimo kalendas Januarii anno gratie millesimo tres centesimo tercio decimo