Charter Document - 01940038
| Charter Number: | 01940038 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1313 |
| Date type: | Internal, Calendar, Episcopal |
| Resource Link(s): |
Borthwick Institute - Register 8 (f145r) |
Charter:
Willelmus [] dilectis filiis Priori et Conventui de Shelford salutem Quum frequenter in religiosis personis loci mutatio morum et vitro solet emendationem afferre prout rerum edocet experientia et sacrorum canonum perhibent instituta nosque in vestro monasterio vigere credimus sancte religionis cultum et regularis observantie disciplinam fratrem Adam de Carliolo canonicum monasterii Sancti Andree de Hextildesham ad vos duximus destinandum ut aliquo temporis spatio nostro arbitrio moderando inter vos ad emendationem status sui auctore Domino valeat conversari sumptibus tamen omnimodis sui monasterii quos cum debito moderamine taxando duxeritis postquam per vestras literas nobis de eorum quantitate constiterit vobis plenarie refundendis Quocirca devotioni vestre in virtute sancte obedientie firmiter injungimus et mandamus quatinus predictum fratrem Adam benigne admittentes eum inter vos tractare curetis fraterna in Domino caritate Ita videlicet ut ubi libet sequatur Conventum preterquam in secretis tractatibus vestri capituli quibus cum non decet nec expedit interesse Volumus autem quod postquam per aliquod temporis spatium mores ipsius experti fueritis si vobis priori visum fuerit in vestra vel aliorum confratrum nostrorum comitiva qui videlicet fame laudabilis et honeste conversationis extiterint recreationis causa ad aliqua loca vestra extra monasterium quandoque valeat se transferre Nos vero oportuno tempore certificare curetis si dictus canonicus inter vos bene et honeste se gesserit prout sue religionis convenerit honestati Valete Data apud Lanum xxj die Junii pontificatus nostri anno octavo
Source (click image below to view full size)
