Charter Document - 01940036
| Charter Number: | 01940036 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1311 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f108v) |
Charter:
Robertus de Pykering [] discreto viro custodi jurisdictionis de Hextildesham salutem in Auctore salutis Cum fratres Adam de Driffeld supprior monasterii de Hextildesham Radulphus de Empingham terrarius Alanus de Gysburne precentor Hugo de Houghton sacrista Robertus de Howyk celerarius Hugo de Thornton camerarius Willelmus de Alwenton Willelmus de Howyk et Robertus de Whelpington ac omnes alii canonici de Conventu monasterii de Hextildesham predicti culpabiles existentes propter suam notoriam inobedientiam et offensam manifestam per dictum patrem sint majoris excommunicationis vinculo innodati dictumque monasterium de Hextildesham ampliori eorum protervia exigente ecclesiastico sic suppositum interdicto et ex communione eorumdem poterit grex Dominicus infici quod nollemus vobis in virtute obedientie et sub pena excommunicationis majoris firmiter injungimus et mandamus quatinus predictos subpriorem et supra nominatos ac omnes et singulos de Conventu culpabiles eorumque monasterium ecclesiastico suppositum interdicto faciatis per vos et alios per totam jurisdictionem de Hextildesham singulis diebus Dominicis et festivis pulsatis campanis accensis candelis publice nuntiari et a denunciatione hujusmodi non cessari donec aliud vobis inde fuerit demandatum Certificantes nos super hiis que feceritis in premissis et de nominibus contradictorum seu rebellium si qui fuerint ac qualiter processeritis contra eos citra festum Translationis Beati Cuthberti distincte et aperte per vestras patentes literas harum seriem continentes Data apud Ebor quarto nonas Augusti anno gratie millesimo CCC undecimo
Source (click image below to view full size)
