Charter Document - 01940030
| Charter Number: | 01940030 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1311 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f105v) |
Charter:
Noverint universi quod nos frater Thomas de Fennewyk Prior monasterii de Hextildesham et ejusdem loci Conventus Divine pietatis intuitu et venerabilis patris domini Willelmi Dei gratia Ebor archiepiscopi Anglie primatis obtentu Rogero clerico de Hextildesham corrodium unum de nostro monasterio quod vixerit percipiendum sub forma infrascripta consensu unanimi donavimus et concedimus per presentes Videlicet quod dum sanus fuerit et laborare poterit singulis diebus comedat et bibat cum libera familia domus nostre ipso autem senio aut invalitudine corporis detento singulis diebus de nostro monasterio percipiet unum panem album Conventualem et unam lagenam cervisie Conventualis et unum ferculum de coquina Ita tamen quod idem Rogerus in negotiis nostris communibus pro nobis et nostro monasterio supradicto fidele prestet obsequium et consilium juxta vires quotiens super hoc ex parte nostra fuerit requisitus In cujus rei testimonium sigillum commune nostri capituli presentibus est appensum Data apud Hextildesham iiij kalendas Maii anno gratie millesimo trecentesimo undecimo
Source (click image below to view full size)
