Charter Document - 01940026

Willelmus permissione [] dilectis filiis Priori et Conventui monasterii de Kirkam salutem Ex certis causis quas nuper in monasterio vestro visitantes comperimus inter cetera duximus ordinandum quod frater Petrus de Goushill concanonicus vester propter status sui correctionem salubrem ad monasterium de Hextildesham mittatur usque ad tempus pro nostro moderandum arbitrio moraturus ibidem sumptibus monasterii vestri quos ad quatuor marcas taxamus per annum pro tempore more sue Priori de Hextildesham liberandas quodque continue ibidem sequatur Conventum nisi infirmitate vel alia causa legitima fuerit impeditus nec septa monasterii de Hextildesham exeat nisi in comitiva Prioris Frater vero Hunfredus de Cokewald vester concanonicus mittatur ad vestram cellam de Karreham et ibi quousque aliud ordinavimus moram trahat Quocirca vobis mandamus quatinus dictos concanonicos vestros ad loca predicta modo predicto transmittere nullatenus differatis Ceterum de pecunia videlicet quatuordecim marcis qum penes dictum Humfredum invente fuerint volumus et ordinamus quod quinque marce ad cooperturam claustri vestri ac ecclesie vestre fabricam et quinque marce ad pitantiam Conventus in festis majoribus et diebus precipuis quatuor vero marce residue ad recreationem et pitantiam fratrum vestrorum infirmantium pro vestro arbitrio assignentur Singuli autem canonici vestri monasterii []ii anno presenti decem missas celebrent pro anima patris dicti Hunfredi et animabus omnium fidelium defunctorum Ciphos quoque coclearia firma cula et alia jocalia cum dicto Hunfredo inventa in thesaurariam vestram communem reponi et fideliter custodiri volumus donec aliud duxerimus ordinandum Valete Data apud Wylton xiiij kalendas Junii pontificatus nostri anno tertio