Charter Document - 01940024
| Charter Number: | 01940024 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1306 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f328r) |
Charter:
Willelmus permissione Divina Ebor archiepiscopus [] venerabili in Christo fratri domino Thome eadem gratia Candide Case [episcopo] salutem et fraterne caritatis continuum incrementum De vestra sincera industria confidentes executionem officii nostri in archidiaconatu Richemond ultra moras et in libertate nostra de Hextildesham videlicet quoad altarium et super altarium porta bilium consecrationem ecclesiarum et cimiteriorum sanguine vel semine pollutorum reconciliationem prime tonsure illis scilicet de locis predictis qui septem annos compleverint liberique et legitimi ac alias rationabiliter litterati fuerint collationem parvulorum et aliorum confirmationem in locis predictis et aliis nostre dioecesios per que versus dioecesim vestram eundo sive inde redeundo contigerit vos transire necnon vasorum vestimentorum et ornamentorum ecclesiasticorum benedictionem vobis per presentes committimus hoc anno continuo a die confectionis ipsarum tantummodo duraturam In Christo Jhesu diu valeat vestra fraternitas reverenda Data apud Scroby sexta kal Julii anno gratie millesimo tres centesimo sexto
Source (click image below to view full size)
