Charter Document - 01940020

Salutem Licet bona que pie memorie Johannes predecessor noster reliquit post mortem per ministros regios pro diversis debitis in quibus eidem domino regi et aliis tenebatur dum vixit seisita et fere per biennium detenta ac demum nobis circa id sollicite laborantibus suis liberata executoribus ad es alienum non sufficiant persolvendum et immo veris et indubitatis creditoribus usque ad summam mille librarum sterlingorum de calcationem facere necessario oportebit obtentu tamen paternitatis vestre dulcissime nobis ut efficaciter sensimus semper propitie illas quinquaginta libras vobis a predicto predecessore debitas de vestra pensione mercatoribus de societate Amanatorum de Pistorio per eosdem si recipere voluerint vobis in Romana curia persolvenda solvi citra instantem Quadragesimam volente Domino faciemus Et ecce amatissime pater ob destructionem et amissionem tertie partis archiepiscopatus nostri in valore per sevitiam Scottorum villas et maneria nostra que fuerunt in confinio regnorum Anglie et Scotie incendentium igne atque redigentium in cineres ac etiam regni statum et guerram necnon servitia sancte Romane curie tam gravi onere premimur debitorum quod nobismet ipsis ad presens et parcissime [amicis tamen pro mutuo consitis undique] vix sufficimus ad vivendum cum Divina favente clementia nostre excreverint facultates nos ad comoda vestra per operis affectum habebitis Deo propitio valde gratos et paratos ad omnia jugiter prosequenda que vestre cederent voluntati Data []