Charter Document - 01940015
| Charter Number: | 01940015 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1291 |
| Date type: | Internal, A.D., Feast |
| Resource Link(s): |
Borthwick Institute - Register 4 (f126v) |
Charter:
In Dei nomine Amen Nos J primas [] die Martis proxima post festum Nativitatis Beati Johannis Baptiste anno gratie MCC nonagesimo primo in monasterio de Hextildesham visitationis officium exercentes comperimus quod bone memorie Godefredus predecessor noster ad correctionem et reformationem domus quedam statuta edidit et tradidit observanda que coram nobis in capitulo dicti monasterii recitata sicut ea sancte et salubriter introducta conspicimus approbamus adjiciendo eisdem nihilominus injungentes quod status monasterii et administrationis cujuslibet obedientiarii saltem semel in anno toti Conventui aut aliquibus ex senioribus et prudentioribus ad hoc a capitulo deputatis per Priorem et obedientiaries domus plenaria ratio innotescatur In refectorio nullus omnino quarta feria carne vescatur Compotus de prebenda de Salton per eum qui dicte prebende custos fuerit coram Priore et aliquibus de senioribus et prudentioribus de Conventu semel in anno reddatur Ludum ad sacceam et tabulas exerceri in infirmitorio prohibemus Nullus secularis in infirmario comedat nisi sit medicus qui ibidem pro corporali salute infirmorum contigerit advocari Prior omnem defectum circa infirmos contingentem post denunciationem de hoc sibi factam sine tarditate et negligentia faciat emendari Is qui super vestibus calciamentis superpelliciis apparatu lecti vel teguminis ministrandi gerit officium pecuniam seu denarios non tradat pro re hujusmodi taliter indigenti sed res ipsas prout necessitas exegerit distribuat et ministret Nullus aliquam proprietatem quomodolibet habeat nisi hoc a Priore ei fuerit pro injuncta administratione permissum Premissa statuta itaque circa quorum observationem negligenter hactenus invenimus fore actum cum hiis adjectionibus nostris prescriptis in omnibus et singulis suis articulis precipimus deinceps sub pena anathematis districtius observari intendentes absque dissimulatione qualibet animadversione condigna punire quoscumque eorumdem de cetero transgressores Datum et actum apud Hextildesham iij idus Augusti pontificatus nostri anno sexto
Source (click image below to view full size)
