Charter Document - 01940008
| Charter Number: | 01940008 |
|---|---|
| Cartulary Title: | The Priory of Hexham |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1130 - 1135 |
| Date type: | Assigned |
| Resource Link(s): |
|
Charter:
Innocentius episcopus servus servorum Dei karissimo in Christo filio Stephano illustri Anglorum regi salutem et apostolicam benedictionem Serenitatem tuam nolumus ignorare nos jamdudum ex dispensatione apostolica statuisse ut videlicet locus Karliolii de cetero episcopalis dignitatis culmine decoretur et perpetuis futuris temporibus ejusdem honoris prerogativa illustratus existat Ad quod nimirum efficiendum predecessor tuus gloriose memorie Henricus multo desiderio estuavit si quam morte intercedente quod exinde proposuerat nequivit efficere Nobilitatem tuam apostolicis literis commonemus ut quod ab ipso super eadem re minus factum est suplere non desinas quatinus et in eodem loco Omnipotenti Domino honorifice serviatur et tua devotio cum peccatorum remissione a remuneratione ovium digna premia consequi mereatur Data Pisis x kalendas Maii
Source (click image below to view full size)
