Charter Document - 01940007

Calixtus episcopus servus servorum Dei venerabili fratri Turstino Ebor archiepiscopo ejusque successoribus canonice substituendis in perpetuum Caritatis bonum est proprium gaudere provectibus aliorum unde et Apostolus tunc ait Vivimus si vos statis in Domino et iterum Que est enim nostra spes aut gaudium aut corona glorie Nonne vos ante Dominum nostrum Jhesum Christum Hoc igitur caritatis debito provocamur et apostolice sedis auctoritate compellimur honorem debitum fratribus exhibere et sancte Romane ecclesie dignitatem pro suo cuique modo ceteris ecclesiis impertiri Proinde karissime frater coepiscope Turstine tibi tuisque successoribus et per vos Ebor ecclesie cui cooperante Deo per manus nostre impositionem preesse cognosceris imperpetuum confirmamus universos Eboracensis metropol suffraganeos et quicquid parochiarum vel episcopali vel metropolitano jure ad eandem cognoscitur ecclesiam pertinere pallei quoque usus pontificalis videlicet plenitudinem officii fraternitati tue ex liberalitate sedis Apostolice confirmamus diebus illis qui in ecclesie vestre privilegiis distinguntur Antiquam preterea Eborancensis ecclesie dignitatem integram conservari auctore Domino cupientes et predecessorum nostrorum sancte recordationis Urbani Paschalis et Gregorii Romanorum pontificum sententiis adherentes auctoritate Apostolica prohibemus ne ulterius aut Cantuariensis archiepiscopus ab Ebor professionem quamlibet exigat aut Eboracensis Cantuariensi exhibeat neque quod quondam penitus a Beato Gregorio prohibitum est ullo modo Ebor Cantuariensis ditioni subjaceat sed juxta ejusdem patris constitutionem ista inter eos honoris distinctio in perpetuum conservetur ut prior habeatur qui prior fuerat ordinatus Sane si Cantuariensis archiepiscopus ab Eboracensi electo consecrationis manum subtraxerit quam videlicet juxta ecclesiarum suarum morem ab Honorio Apostolice sedis pontifice institutum invicem sibi debent liceat eidem Eboracensi secundum communem ecclesie consuetudinem et predicti patris nostri Gregorii sanctionem et domini nostri sancte memorie Paschalis pape mandatum a suis suffraganeis consecrari Ad hec antiquas libertatis consuetudines et possessiones quas vel in presenti legitime obtinetis vel in futuro largiente Deo juste poteritis adipisci Eboracensie ecclesie presentis privilegii auctoritate firmamus Statuentes ut nullus eas auferre vel minuere vel temerariis audeat vexationibus infestare sed omnia integra conserventur eorum pro quorum sustentatione et gubernatione concessa sunt usibus omnimodis profutura Illud quo que capitulo presenti subjungimus ut ecclesie Sancti Andree Haugustaldensis Sancti Johannis Beverlacensis Sancti Wilfridi de Rypun Sancte Marie de Suthwille Sancti Oswaldi de Gloucestra cum omnibus eorum possessionibus et libertatis consuetudinibus vobis vestrisque successoribus necnon et Eboracensi ecclesie integre semper et quiete permaneant Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se Divino judicio existere de perpetrata iniquitate cognoscat et a sacratissimo corpore et sanguine Dei et Domini Redemptoris nostri Jhesu Christi aliena fiat atque in extremo examine districte ultioni subjaceat Cunctis autem eidem ecclesie justa servantibus sit pax Domini nostri Jhesu Christi quatenus et hic fructum bone actionis percipiant et apud districtum Judicem premia eterne pacis inveniant Amen Ego Calixtus catholice Ecclesie episcopus Ego Cono Prenestinus episcopus Ego Lambertus Ostiensis episcopus Ego Boso presbyter cardinalis Sancte Anastasie Ego Gregorius presbyter tituli Sancte Lucine Ego Petrus presbyter cardinalis tituli Sancte Susanne Ego Petrus diaconus cardinalis Sanctorum Cosme et Damiani Ego Petrus diaconis cardinalis Sancti Adriani Data Vapinci per manum Grisigorii Sancte Romane ecclesie diaconi cardinalis ac bibliothecarii Vero Id Martii indictione xiii incarnationis Dominice anno MCXX pontificatus autem domini Calixti Secundi pape anno secundo