Charter Document - 01930473

Gamaliel filius Meir et Isac filius Abraham venerunt coram [justiciariis] et testificaverunt quod sexto die in septimana xxvii die Januarii anno creacionis seculi vmxxxviii in Londoniis venit Elias filius Vives et recognovit coram prefatis Gamaliele et Isac quod testes fuissent et recepissent ab eo obligacionem secundum consuetudinem Judaismi et quod scripsissent et sigilla visent per literam suam Ebraycam quod concessit et spontanea voluntate et legitima potestate quod et dedit Mosseo et Hagino et Benedicto filiis suis omnes domos et redditus et feoda terrarum quas habuit in villa Oxonie in parochia Sancti Martini die confeccionis huius starri et totum jus clamium potestatem et obligacionem quam habuit in predictis domibus redditibus et terris salvo predicto Elie et Bone uxori sue manancia sua in predictis domibus in tota vita sua et quod interim recipient omnes redditus ad dictos domos spectantibus reddendo inde annuatim predictis Mosseo Hagino et Benedicto dimidiam marcam ad duos anni terminos videlicet ad Pascha anno regis Edwardi filii regis Henrici quinto xl denarios et ad festum Sancti Michaelis proximo sequens xl denarios et sic de anno in annum in tota vita sua dimidiam marcam per annum Habendum et tenendum predictis Mosseo Hagino et Benedicto sicut predictum est in perpetuum Et sunt bunde domus predicte abbuttans super regiam viam versus orientem et super gardinum quod Mosseus filius Jacobi tenet ad terminum vite sue de predicto Elia [versus] aquilonem et super domos que fuerunt Bele filie Lumbardi versus astrum et super domos Mossei filii Jacobi versus occidentem prout continetur in quodam starro super hoc confecto Acta die lune proxima post Purificacionem Beate Marie anno regis Edwardi quinto