Charter Document - 01930258

Omnibus hoc scriptum visuris vel audituris Anselmus de Gyse de comitatu Bed[] miles et Thomas de Bellhus de comitatu Kancie salutem in Domino Noveritis nos teneri et presenti scripta obligari Aaron filio Vives Judeo Londoniarum pro triginta libris sterlingorum quas idem Aron nobis solvit premanibus in septies viginti quarteriis boni sicci et mundi frumenti per mensuram Londoniarum mensurandis reddendis eidem Aron vel suo certo attornato in domum sic eiusdem Aron apud Londonias infra octabas Pentecostes anno regni regis Edwardi filii regis Edwardi quarto sine ulteriori dilatione Et si contingat nos in redditione predictorum septies viginti quaternorum frumenti in toto vel in aliqua parte eorundem memorato termino deficere volumus et concedimus quod vicecomites Bed[] et Kancie qui pro tempore fuerint et omnes alie vicecomites pro tempore existentes in quorum comitatibus terras seu bona et catalla habuerimus possint nos vel alterum nostrum per qualemcumque districcionem seu districciones voluerint absque ullo placito calumpnia vel contradiccione distringere et districcionem seu districciones licite retinere donec idem Aron vel suo certo attornato de toto quod de predictis sepcies viginti quarteriis frumenti aretro fuerint una cum dampnis et expensis et castam entis omnibus et singulis que idem Aron vel suus attornatus occasione dicti frumenti predicto termino non soluti sustinuerit fecerit seu apposuerit plenaria fuerit satisfactum Et quo ad dampna expensas et custamenta supradicta volumus et concedimus quod simplici verbo eiusdem Aron vel sui attornati absque alio onere probationis credatur Et si nos decesse[ri]mus antequam dictum frumentum eidem Aron vel suo atornato plene redditum fuerit quod nulla testamentorum nostrorum seu alterius nostri fiat executio nec bonorum nostrorum distribucio donec eidem Aron vel suo attornato de frumento predicto et de dampnis expensis et custamentis memoratis integraliter fuerit satisfactum Insuper volumus et concedimus quod unusquisque predictorum vicecomitum qui districcionem fecerit occasione supradicta habeat de bonis nostris quadraginta solidos sterlingorum pro qualibet districcione quam fecerit renunciantes in hec parti omni excepcioni cavilacioni regie curie auxilio nec non et omni juris remedio quod nobis posset in hac parte competere et dicto Aron vel suo attornato in aliquo nocere In cuius rei testimonium presento scripto sigilla nostra apposuimus Hiis testibus domino Hamone Hauteyn domino Roberto de Ludham Johanni Skyp Roberto Heyrun Vives filio Abrahe Abraha filio Benjamin et aliis