Charter Document - 01920437

Omnes subscripti dicunt per sacramentum suum quod Abbas et Conuentus omnia ad Bortremum de Fornham sancti Martini pertinencia tam stray quam alias inuenciones dimidiare debent videlicet Johannes Scherewynd Johannes le Heyward Hamo Bercarius Johannes dil Wodehous Willelmus Pidina Willelmus filius Matildis Johannes filius Auicie Robertus de Ecclesia Radulphus Oldars Adam Bercarius Samson Thomas le Enueysee Henricus dei gracia Rex Anglie [] Archiepiscopis Episcopis Abbatibus Prioribus Comitibus Baronibus Justiciariis vicecomitibus prepositis Ministris et omnibus balliuis et fidelibus suis salutem Noueritis vos intuitu dei et pro salute anime nostre et animarum antecessorum et heredum nostrorum concessisse et hac carta nostra confirmasse deo et ecclesie sancte Etheldrede et Venerabili in Christo patri Hugoni eiusdem Ecclesie Episcopo et Successoribus suis Episcopis eiusdem Ecclesie et Priori et Monachis ibidem deo seruientibus et imperpetuum seruituris omnes libertates subscriptas videlicet quod iidem Episcopus et Successores sui et dictus Prior et Successores sui colligant et habeant omnia amerciamenta de omnibus hominibus et terris infra Hundreda subscripta videlicet infra Hundredum et dimidium de Mitford et infra quinque Hundreda et dimidium de Wikelawe et Trilling de Wineston tam de alieno feodo quam de suo Et quod idem Episcopus et successores sui et dictus Prior et successores sui habeant imperpetuum pro nobis et heredibus nostris extra Hundreda predicta omnia amerciamenta de omnibus hominibus terris et feodis suis et quod habeant imperpetuum omnes fines de amerciamentis illis prouenientes postquam incidunt in misericordiam Concessimus eciam eidem Episcopo et successoribus suis et dicto Priori et successoribus suis imperpetuum pro nobis et heredibus nostris quietanciam de Murdro de omnibus hominibus terris et feodis suis tam infra predicta Hundreda quam extra Saluo nobis et heredibus nostris forisfacto Murdri si inciderit de alienis feodis infra predicta Hundreda Concessimus eciam eidem Episcopo et successoribus suis et dicto Priori et successoribus suis pro nobis et succedentibus Heredibus nostris imperpetuum quod si Comitatus Norff[] et Suff[] Cantabrig[] et Huntedon[] Essex[] et Hertford vel Hundreda predictorum Comitatuum in quibus idem Episcopus et successores sui et dictus Prior et successores sui habent terras et feoda sua coram Justiciariis nostris itinerantibus vel coram Justiciariis heredum nostrorum itinerantibus inciderint in Misericordiam vel finem fecerint pro Misericordia idem Episcopus et successores sui et dictus Prior et successores sui et homines sui sint quieti de illa Misericordia et si finem fecerint nichil dent ad finem illum Concessimus eciam eidem Episcopo et Successoribus suis et dicto Priori et successoribus suis pro nobis et heredibus nostris quod habeant imperpetuum Returnum omnium breuium nostrorum et heredum nostrorum in predictis Hundredis tam de alienis feodis quam propriis et extra predicta Hundreda de omnibus terris et feodis suis Concessimus eciam eidem Episcopo et successoribus suis et dicto Priori et successpribus suis pro nobis et heredibus nostris quod habeant imperpetuum omnia placita de aueriis captis et detentis contra vadium et plegium et omnia alia placita que vicecomes potest placitare propria potestate vt vicecomes et omnia placita que vicecomes potest placitare per breuia nostra vel heredum nostrorum de quibus placitis breuia nostra uel Heredum nostrorum receperit et eis returnum facere debuerit infra predicta Hundreda et extra sicut predictum est Quare uolumus et firmiter precipimus pro nobis et heredibus nostris quod predictus Episcopus et successores sui episcopi eiusdem Ecclesie et dictus Prior et successores sui imperpetuum colligant et habeant omnia amerciamenta de omnibus hominibus et terris infra predicta Hundreda prescripta tam de alieno feodo quam de suo Et quod habeant imperpetuum omnes fines de amerciamentis illis prouenientes post quam aliquis inciderit in misericordiam Et quod habeant imperpetuum extra predicta Hundreda omnia amerciamenta de omnibus hominibus terris et feodis suis Et quod habeant imperpetuum omnes fines de amerciamentis illis prouenientes postquam aliquis inciderit in misericordiam Et quod habeant imperpetuum quietanciam de Murdro et de omnibus hominibus terris et feodis suis tam infra predicta Hundreda quam extra Saluo nobis et heredibus nostris forisfacto Murdri si inciderit de alienis feodis infra predicta Hundreda Et si Comitatus Norff[] et Suff[] Cantebrig[] et Huntedon[] Essex[] et Hertford vel hundreda predictorum Comitatum in quibus dictus Episcopus et Successores sui et dictus Prior et successores sui habent terras et feoda sua coram Justiciariis nostris itinerantibus vel coram Justiciariis heredum nostrorum itinerantibus inciderint in misericordiam vel finem fecerint pro misericordia iidem Episcopus et successores sui et dictus Prior et successores sui et homines sui sint quieti de illa misericordia Et si finem fecerint nichil dent ad finem illum Et quod habeant imperpetuum returnum omnium breuium nostrorum et heredum nostrorum in predictis Hundredis tam de alienis feodis quam propriis et extra predicta Hundreda de omnibus terris et feodis suis Et quod habeant imperpetuum omnia placita de aueriis captis et detentis contra vadium et plegium et omnia alia placita que vicecomes potest placitare per breuia nostra uel heredum nostrorum de quibus placitis breuia nostra uel heredum nostrorum receperit et eis returnum facere debuerit infra predicta Hundreda et extra sicut predictum est Hiis testibus P Winton[] Episcopo Ricardo Comite Cornubie et Pictau[] fratre nostro S de Segraue Justiciariis Anglie Philippo de Albiniato Petro de Malo Lacu Hugone Dispensatore Radulpho filio Nicholai Galfrido dispensatore Thoma de Hemgraue Bartholomeo pecche Johanne de Plesset[] et aliis Dat[] per namum venerabilis Patris Radulphi Cycestr[] Episcopi Cancellarii nostri apud Wallingford tercio die Julii anno Regni nostri septimo decimo