Charter Document - 01910330

Placita apud Westmonasterium coram Radulpho de Hengham et sociis suis Justiciariis Domini Regis de Banco apud Westmonasterium a die Pasche in xv dies anno regni Regis Edwardi filii Regis H[enrici] tricesimo quinto Adam filius Roberti de Eueryngham in misericordia pro pluribus defaltis Idem Adam sum monitus fuit ad respondendum Abbati de Kirkestall de placito quod acquietat ipsum de seruicio quod Dominus Rex ab eo exigit de libero tenemento suo quod de prefato Adam tenet in Kyghelay et Horsford vnde idem Adam qui medius est inter eos eum acquietare debet [] Et vnde idem Abbas per attornatum suum queritur quod cum teneat de eo vnum molendinum aquaticum et tres carucatas terre cum pertinenciis in predictis villis per fidelitatem et seruicium quatuor librarum per annum pro omni seruicio [unde] idem Adam qui medius est inter eos eum acquietare debet [] Dominus Rex distringit ipsum Abbatem ad faciendum sectam ad Curiam suam de Harewode de tribus septimanis in tres septimanas pro defectu acquietatne ipsius Adam Vnde dicit quod deterioratus est et dampnum habet ad valenciam viginti librarum et inde producit sectam Et profert partem cuiusdam finis leuati in Curia Domini Regis apud Eboracum a die Purificacionis Beate Marie in xv dies anno regni Regis E[dwardi] nunc viij coram Johanne de Vallibus et sociis suis Justiciariis Domini Regis ibidem itinerantibus inter Adam de Eueryngham querentem et fratrem Simonem Priorem de Hauerholme deforciantem de quatuor libratis redditus cum pertinenciis in Kyghelay et Horsford quem idem Prior percipere consueuit de predicto Abbate de Kyrkestall de duabus carucatas terre et vno molendino cum pertinenciis in Kyghelay et vna carucata terre cum pertinenciis in Horsford vnde placitum conuencionis sum monitum fuit inter eos in eadem Curia scilicet quod predictus Prior recognovit predictum redditum cum pertinenciis simul cum toto alio seruicio predicti Abbatis et successorum suorum de toto tenemento cum pertinenciis quod idem Abbas prius tenuit de predicto Priore in predictis villis esse jus ipsius Adam et illa ei reddidit in eadem Curia et remisit et quietum clamavit de se et successoribus suis et ecclesia sua Sancte Marie de Hauerholme predicto Adam et heredibus suis in perpetuum Et pro hac autem recognicione reddicione remissione et quieta clamatione fine et concordia idem Adam concessit predicto Priori vnum mesuagium et duas bouatas terre cum pertinenciis in Dodyngton iuxta Westburg in Comitatu Lincoln[ie] illud scilicet messuagium et illas duas bouatas terre cum pertinenciis que frater Rogerus quondam Prior de Hauerholme predecessor predicti Prioris habuit ex dono ipsius Adam habendas et tenendas eidem Priori et successoribus suis et ecclesie sue predicte de predicto Adam et heredibus suis in liberam puram et perpetuam elemosinam in perpetuum Et predictus Adam et heredes sui warantizabunt acquietabunt et defendent eidem Priori et successoribus suis et ecclesie sue predicte predicta messuagium et terram cum pertinenciis que eis per finem istum remanent in liberam puram et perpetuam elemosinam contra omnes homines in perpetuum Et preterea idem Adam ad instanciam dicti Prioris concessit pro se et heredibus suis quod ipsi de cetero warantizabunt acquietabunt et defendent predicto Abbati et successoribus suis et ecclesie sue Sancte Marie de Kirkestall predicta tenementa cum pertinenciis in predictis villis de Kyghelay et Horsford per predicta seruicia contra omnes homines in perpetuum vnde dicit quod per predictum finem teneatur ei warantizare et acquietare Et predictus Adam per attornatum suum venit et defendit vim et iniuriam quando [] Et non potest dedicere quin teneatur predictum Abbatem acquietare versus quoscumque pro predictis seruiciis [] Et dicit quod predictus Abbas nunquam fuit districtus pro defectu acquietatne ipsius Adam prout idem Abbas asserit et de hoc ponit se super patriam Et predictus Abbas similiter Ideo preceptum est Vicecomiti quod venire faciat hic in Octavis Sancti Michaelis xij [] Et qui nec [] Quia tam []