Charter Document - 01910002
Charter Number: | 01910002 |
---|---|
Cartulary Title: | The Coucher Book of the Cistercian Abbey of Kirkstall |
Charter Language: | Latin |
Charter Origin: | Religious |
Charter Type(s): | Assize |
Date: | 1240 |
Date type: | Internal, Feast, Regnal |
Resource Link(s): |
|
Charter:
Assisa venit re cognitura si Abbas de Kyrkestall iniuste [] disseisiuit Robertum de Berningham de communa pasture sue in Wetwude que pertinet ad liberum tenementum suum in Hadinglay post primam transfretacionem [] Et Abbas venit et dicit quod predictus Robertus de nouo feofatus fuit de predicta terra Et postquam feofatus fuit nunquam usus fuit communa illa Et quod non disseisiuit eum iniuste [] ponit se super assisam Juratores dicunt quod quidam Willelmus Pictauensis dedit boscum illum ubi iste Robertus clamat communiam suam Abbati de Kyrkestall sine aliquo retinemento et sic tenuit tota vita sua et usque ad tercium heredem Et postea venit tercius heres et feofauit predictum Robertum de una bouata terre in Hadinghel et nunquam usus suit pastura illa nisi esset devadiatus Vnde dicunt quod non disseisivit eum iniuste [] Et ideo consideratum est quod Abbas inde sine die et Robertus de Berningham nichil capiat per assisam istam set sit in misericordia pro falso clamore Plegii eius Willelmus Scot et Robertus de Wudehus Acta coram Roberto de Lexingtun et coniudicibus suis apud Ebor in mense post festum Sancti Johannis Baptiste anno regni Regis Henrici filii Regis Johannis xxiiij