Charter Document - 01900015

Facta apud Orpintone coram nobis officiali curie Cantuariensis in aula rectoris eiusdem die veneris proxima ante festum Sancte Margarete virginis continuata cum die Sabbati sequente anno domini MCC septuagesimo In causa que vertitur inter Galfridum de Neubaud per Albertum de Theftes clericum procuratorem suum sufficienter comparentem ex vna parte et priorem et conuentum de Hortona per fratrem Thomam de Cantuaria procuratorem eorundem sufficienter comparentes ex altera videlicet cum datus esset dies ad sentenciandum in dicta causa si liqueret habitis hinc inde variis altercacionibus et disputacionibus super instrumentis iuribus et racionibus a partibus prepositis demum dicte partes de expresso Concensu earundem in dicta causa concluserunt et cum processum dicti negocii raciones iura et instrumenta necnon et allegaciones partium diligentia qua decuit examinauimus lecto coram nobis libello ex parte dicti G dictis Religiosis porrecto et responcione ad eundem libellum per dictos religiosos facta prout in cedulis sigillo officialitater signatis continetur Considerantes quod dicti religiosi dictam ecclesiam de Brabourne per XL annos et amplius possiderunt et dicte possessioni adhuc incumbunt et quod idem religiosi inter cetera sua munimenta privilegium sancti patris Alexandri pape exibuerunt per quod nitebantur ostendere quod ecclesie et alia bona que per XL annos pacifice possiderunt auctoritate cedis apostolice sunt dictis Religiosis confirmata et perpetua firmitato subnixa finem dicto negocio imponere cupientes de consilio iuris peritorum ad peticionem vtrusque partis sentenciam in scriptis pronunciamus in hunc modum In nomine patris et filii et spiritus sancti Amen Nos Magister H de Mortuo Mari officialia Curie Cantuariensis auditis et intellectis meritis cause que uertitur inter Galfridum de Neubaud ex parte vna et priorem et conventum de Hortona ex altera supra ecclesia de Brabourne propter ineptam peticionem ipsius Galfridi in iudicio propositam dictos priorem et conuentum de Hortona ab impeticione dicti Galfridi sentencialiter absoluimus reseruantes vobis condempnacionem expensare suo tempore et loco prout viderimus expedire faciendum In cuius rei T presentibus sigillum officiali later apponi fecimus Datum ut supra