Charter Document - 01900006

Lucius episcopus servus servorum dei dilectis filiis Guiluellmo Priori Monasterii sancti Johannis evangeliste de Hortona eiusdemque fratribus tam presentibus quam futuris regulari vita professis in perpetuum ad hoc nobis ecclesie Catholicae cura a summo Pastore deo comissa est vt dei servos paternis affectibus diligamus et eo amplius studeamus ipsorum devocionem modis omnibus confovere quo ferventius ipsi disciplinis ecclesiasticis et sanctorum patrum regulis inherere noscuntur Tunc enim deo gratus apostolicus impendit famulatus si sanctorum locorum salubris institucio vigor et ordo nostris patrociniis in religionis puritate fuerint conservata Ea proper dilecti in domino filii venerabilis fratris nostri Henrici Wintoniensis episcopi precibus inclinati vestris justis postulacionibus clementer annuimus et prefatum monasterium in quo divino mancipati estis obsequio sub beati Petri et nostra proteccione suscipimus et presentis scripti privilegio comunimus Statuentes vt quascunque possessions quocunque bona idem monasterium in presentiam iuste et canonice possidet aut in futurum concessione Pontificum largitione Regum vel Principum oblatione fidelium seu aliis iustis modis deo propitio poterit adepisci firma vobis vestrisque successoribus et illibata permaneant In quibus haec propriis duximus exprimenda vocabilis Hortunam cum pertinentiis suis Tidentunam cum pertinentiis suis ecclesiam de Purleia et de Bra[de]burna et de Stanestana decimam de Hunechilda et de Estbrugha et de Etteretuna ecclesiam de Essetesford cum virgata terre terram que fuit Simonis de Vleham Mansuras de Heda jura consuetudines libertates rationabiles decernimus ergo ut nulli omnino hominum liceat prefatum monasterium temere perturbare aut eius possessiones auferre vel oblatas retinere minuere aut aliquibus vexacionibus fatigaro sed omnia integra conserventur eorum pro quorum gubernacione et sustentatione concessa sunt vsibus omnimodis profutura salua diocesani episcopi canonica iusticia et apostolicae sedis auctoritate si qua ergo in futurum ecclesiastica secularisue persona hanc nostre constituconis paginam sciens contra eam temere venire temptaverit secundo tertione comonita si non satisfaccione congrua emendaverit potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini Redemptoris nostri [Jhesu Christi] aliena fiat atque in extremo examine districto vltioni subjaceat Cunctus autem eidem loco iusta servantibus sit pax domini nostri Jhesu Christi quatinus et hic fructum bone accionis percipiant et apud districtum iudicem premia eternae pacis inveniat Amen Ego Lucius Catholice sedis episcopus Ego Gregorius presbiter Cardinalis titulo Calixti Ego Guido presbiter Cardinalis titulo Crisogoni Ego Petrus presbiter Cardinalis titulo Pastoris Ego Tubal presbiter Cardinalis [titulo] sanctae Praxedis Ego Rainerus presbiter Cardinalis titulo Sancti Stephani [in Monte Celio] Ego Conradus Sabinensis episcopus Ego Theodoricus episcopus sanctae Rufinse Ego Albericus Ostiensis episcopus Ego Imarus Tusculanus episcopus Ego Petrus Abbas Albanensis episcopus Ego Gregorius diaconus Cardinalis sanctorum Sergii et Bachii Ego Otho diaconus Cardinalis sancti Georgii ad velum auri Ego Guido diaconus Cardinalis sanctorum Cosme et Damiani Ego Petrus diaconus Cardinalis Sanctae Mariae in porticu Ego Johannes diaconus Cardinalis sancti Adriani Dat Lat per manum Baronis Capellani et scriptoris v Idus Maii Indictione VII Incarnationis dominicae Anno MCXLIIII Pontificates vero domini Lucii II papae anno primo