Charter Document - 01900002
| Charter Number: | 01900002 |
|---|---|
| Cartulary Title: | Charters of Monk Horton Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1144 |
| Date type: | Assigned |
| Resource Link(s): |
|
Charter:
Illustri viro et amico nostro domino Roberto filio Bernardi frater R humilis abbas Cluniacensis salutem et obsequium immensas grates benignitati vestre referimus super beneficiis a vobis ecclesie de Horton collatis rogamus vt in bono et laudabili proposito vestro perseveratis et eandem ecclesiam propensiori effectu diligere et manutenere satagatis vt condignam a deo mercedem et a nobis uberiores inde grates recipiatis vt quam deo volente gratiam et amorem domini Regis plenaria obtinetis precamur vt res possessiones siue Jura ecclesie memorate ab ipso concedi et authoritate et munimento literarum suarum confirmari faciat Nos autem pro his et aliis beneficiis quas eidem ecclesie consuleretis omnium spiritualium beneficiorum que fiant in Cluniacensi ecclesia et in locis ad eam pertinentibus vos participem et consortem efficiamus Concedimus autem et confirmamus predicte ecclesie vniversa iura et libertates suas quas a tempore fundatorum suorum obtinuit vel impostorum obtinere potuit secundum quod carte ipsius testificantur
Source (click image below to view full size)
