Charter Document - 01900001
| Charter Number: | 01900001 |
|---|---|
| Cartulary Title: | Charters of Monk Horton Priory |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1140 - 1144 |
| Date type: | Assigned |
| Resource Link(s): |
|
Charter:
Reverendo in Christo patri et domino domino R divina miseracione abbati Cluniacensi radiis sincere devotionis et omnium virtutum viro commendabiliter adornato vir humilis et devotus Robertus de Ver filius Bernardi omnimodum honorem debitum tanti patri et fructum seruicii salutaris Nouerit almi fico vestra paternitas lucidius deo gratissima me apud Hortonam Cantuar dioeceseos in honorem dei beate Marie et sancti Johannis Euangelistas ad salutem anime mee et pro animabus antecessorum et successorum meorum ecclesiam fundasse et construxisse et eam tam in temporalibus quam spiritualibus promovisse et accumulasse volentemque et affectantem ministros vestros sanctissimi ordinis Cluniacensis Monachos deo servituros in perpetuum fore in eadem insignissimi nostri Regis concessione gratiosa et confirmatione votiva primitus per optatis et vestro sacratissimo patrocinio benignius confovente idem opus caritativum in puram et perpetuam elemosinam ab adversis facilius conservari et in prosperis eternaliter communiri Igitur vestre prelibate paternitati suppleo humiliter et devote ut me in sinum vestre pure religionis devotionis et orationis clementius suscipere ac vestre fraternitatis piis suffragiis consolare dictaque ecclesie vestre de Hortona vniversa et singula jura privilegia et libertates a Sanctis patribus sedis apostolice et vestris predecessoribus vestro venerabili monasterio Cluniacensi data concessa et confirmata a pie fundationis tempore conferre et largiri dignemini gratiose quatinus in divinis officiis validius et avidius se exercere gaudeat sine fine
Source (click image below to view full size)
