Charter Document - 01870260
| Charter Number: | 01870260 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1312 |
| Date type: | Internal, A.D., Calendar, Episcopal |
| Resource Link(s): |
|
Charter:
Walterus permissione divina Coventr et Lych episcopus dilecto filio domino priori Coventr et discretis viris magistris Radulfo de Leicestr et Johanni de Shocteswell clericis salutem in salutis auctore Ad inquirendum per viros fide dignos clericos et laicos archidiaconatus Coventr omni exceptione majores super statu ecclesie de Compton Murdak an illi prebende quam dominus Radulfus de Heyngham defunctus nuper habuit in ecclesia collegiali beate Marie Warr Wygornien dioecesis sit annexa vel non et si sic tunc de omnibus et singulis circumstanciis dictam annexionem qualitercumque contingentibus vobis omnibus vel duobus vestrum qui commodius ad hoc vacare poterunt committimus vices nostras cum cohercionis canonice potestate Et inquisitionem fideliter inde factam nobis sub vestris et eorum per quos facta fuerit inquisitio predicta sigillis quam cicius commode poteritis remittatis In cuius rei testimonium sigillum nostrum presentibus est appensum Dat Ebor secundo die Martii anno Domini millesimo cccxi consecrationis nostre xvi