Charter Document - 01870087

Sciant presentes et futuri quod ego Hugo del Schute dedi concessi et hac presenti carta mea confirmavi Johanni de Porta Boriali Warr quoddam tenementum in suburbio de Warr in vico qui vocatur Salterisford videlicet illud tenementum quod jacet inter terram quam Robertus Scarlet tenuit ex parte una et terram quam Willelmus filius Ricardi le Quareour tenuit ex altera et extendit in longitudine a predicto vico usque ad terram quam Ricardus de Warr tenuit quod quidem tenementum habui de feoffamento de Rogeri de Doggelinton persone ecclesie de Cubbynton Habendum et tenendum de me et heredibus meis predicto Johanni et heredibus suis vel suis assignatis bene et in pace libere et quiete et hereditarie imperpetuum Reddendo inde annuatim mihi et heredibus meis predictus Johannes et heredes sui vel sui assignati unum denarium argenti ad festum Nativitatis sancti Johannis Baptiste et sacriste ecclesie beate Marie Warr duodecim denarios argenti ad duos anni terminos scilicet ad festum sancte Marie in Martio sex denarios et ad festum sancti Michaelis sex denarios pro omni servitio seculari consuetudine exactione et demanda Pro hac autem mea donatione concessione et presentis carte confirmatione dedit mihi predictus Johannes sex marcas et dimidiam argenti pre manibus ego vero predictus Hugo et heredes mei predicto Johannis et heredibus suis vel suis assignatis totum predictum tenementum cum omnibus suis pertinentiis contra omnes gentes imperpetuum warantizabimus et defendemus Et ut hec mea donatio concessio et presentis carte confirmatio firma et stabilis imperpetuum permaneat presenti carte sigillum meum apposui Hiis testibus Philippo le Norizun Henrico de Kynton Petro de Porta Roberto Hamunt Johanne de Morcote Thoma de Salteresford Thoma ad Rivulum Willelmo le Quarreur Nicholao le Quareour Roberto le Scarlet et multis aliis