Charter Document - 01870086
| Charter Number: | 01870086 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1290 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus de Dukemanton rector ecclesie de Cubynton dedi et concessi et hac presenti carta mea confirmavi Hugoni atte Shote de Wodecote mercatori unum mesuagium cum pertinentiis in suburbio Warwik in vico de Salterisford illud scilicet mesuagium quod Willelmus le Carter et Agnes uxor eius quondam tenuerunt et jacet inter terram quam Robertus Scarlet tenuit ex parte una et terram quam Ricardus de le Hull tenuit ex altera cum omnibus suis pertinentiis Habendum et tenendum de me et heredibus meis vel assignatis sibi et heredibus suis vel suis assignatis libere et quiete bene et in pace vel cuicumque dare assignare vel vendere vel in extremis legare voluerit imperpetuum Reddendo inde annuatim mihi et heredibus meis ipse et heredes sui unum denarium ad Nativitatem sancti Johannis Baptiste super tenementum predictum et sacriste ecclesie beate Marie Warr duodecim denarios ad duos anni terminos videlicet ad festum sancti Michaelis sex denarios et ad festum beate Marie in Martio sex denarios pro omni seculari servitio exactione vel demanda Pro hac autem donatione concessione et carte mee confirmatione dedit mihi predictus Hugo sex marcas argenti premanibus Et ego vero predictus Rogerus et heredes mei vel mei assignati predictum mesuagium cum omnibus suis pertinentiis ut predictum est predicto Hugoni et heredibus suis vel suis assignatis contra omnes homines et feminas imperpetuum warantizabimus acquietabimus et defendemus Et ut hec mea donatio concessio et carte mee confirmatio rata et stabilis imperpetuum permaneat hoc scriptum sigilli mei impressione corroboravi Hiis testibus Waltero de Salterisford Thoma filio eius Thoma atte Brook Willelmo de Cherlecote Ricardo de le Hull et aliis
Source (click image below to view full size)
