Charter Document - 01870076
| Charter Number: | 01870076 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1184 - 1204 |
| Date type: | Assigned |
| Resource Link(s): |
|
Charter:
Walar[annus] comes Warew omnibus amicis et hominibus suis Francis et Anglis tam futuris quam presentibus salutem Sciatis me dedisse et hac carta mea presenti confirmasse Willelmo filio Ricardi decani de Warew iiii acras prati in prato de Lale scilicet inter spinam et vadum quod appellatur Alrefort ubi eas habere solebat tempore Willelmi comitis fratris mei Preterea etiam concessi ei et hac carta mea confirmavi quicquid tenuit in feudo et hereditate tempore fratris mei Willelmi comitis de feudo suo et omnes terras quas Willelmus comes frater meus predicto Willelmo dedit pro homagio et servitio suo in territorio de Muitona et in villa de Warew et in hundreda de Koten tenendum de me et de heredibus meis hereditarie sicut carte fratris mei Willelmi comitis confirmant et testant Reddendo annuatim mihi vel heredibus meis iiii denarios ad festum sancti Michaelis Quare volo et firmiter precipio quatinus predictus Willelmus et heredes sui habeant et teneant omnes predictas terras bene et in pace in feudo et hereditate quiete et libere ab omni servitio et consuetudine seculari mihi vel meis pertinente in bosco in plano in pratis in pascuis in viis in semetis et in omnibus aliis locis cum omnibus libertatibus et liberis consuetudinibus mihi vel meis pertinentibus per predictum servitium Hiis testibus Henrico fratre comitis Henrico de Monteforti Nigello de Mandevilla Rogero filio Rad[ulfi] Rogero de Ulehale Symone de Ulebeme Henrico de Vilers magistro Ada et multis aliis in testimonium convocatis
Source (click image below to view full size)
