Charter Document - 01870075

Willelmus comes Warewic omnibus hominibus suis tam futuris quam presentibus salutem Sciatis me dedisse et hac carta mea presenti confirmasse Willelmo filio Ricardi filii Azur quatuor virgatas terram et duas cotreldas in Mutona cum omnibus adjacentiis earum et quandam terram juxta Radeford quam Hardelmus tenuit et servitium Willelmi Dagonet tenendum de me et heredibus meis illam virgatam scilicet quam Hathewlf et Seuare tenuerunt et aliam quam Willelmus et Sianus tenuerunt tertiam quam Rand[ulfus] et Gerv[as]ius tenuerunt quartam quam Robertus et Hugo tenuerunt et duas cotreldas quas Ricardus fillius Haimemom et Inga tenuerunt Has predictas iiii virgatas terre et duas cotreldas concessi predicto Willelmo et dedi in feudo et hereditate cum hominibus ibidem manentibus et eorum sequelis et cum omnibus adjacentiis predicte terre Preterea dedi et concessi predicto Willelmo totam terram quam Thomas filius Ketil tenuit extra portam aquilonarem de Warwic et terram quam Robertus filius Haillait tenuit et duo masuagia extra portam aquilonarem intra terram Ricardi Kent et terram que fuit Gilberti nutricii quam tenuit de Roberto de Auvers et infra villam de Warewic illam terram quam Ricardus filius Hathegerni de me tenuit et totam terram quam Hubertus selarius infra villam de Warewic de matre mea Gundreda tenuit et terram quam Gruffus de me tenuit in alto foro et alibi Hec omnia dedi predicto Willelmo pro homagio et servitio suo et concessi sic ex hiis supradictis faciat heredem suum quemcumque voluerit et det ubi voluerit Quare volo ut predictus Willelmus et ipse quem sibi voluerit heredem eligere habeant et teneant predictas terras de me et heredibus meis libere et quiete in pratis in pascuis in viis in semitis in aquis in molendinis in bosco in plano Reddendo mihi vel heredibus meis annuatim pro omni exactione mihi vel meis pertinente iiii denarios ad festum sancti Michaelis Hiis testibus Thoma de Hesleia Rogero de Hullenhale Jordano canonico Ricardo Kenteis Henrico de Vilers