Charter Document - 01870061
| Charter Number: | 01870061 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1200 |
| Date type: | Assigned |
| Resource Link(s): |
|
Charter:
Omnibus sancte matris ecclesie ad quos presens scriptum pervenerit Reginaldus Malesmayns salutem Noverit universitas vestra omnem litem et questionem inter me et Rogerum de Cherlecote de rebus et omnibus pertinentiis quas preponebam de jure ad prebendam meam de Warr pertinere et predictum R injuste possedisse sub tali forma in generali capitulo de Warr terminatam esse scilicet quod predictus R ratione medietatis decimarum dominici de Waltero Willelmi de Daivile et ratione duarum partium decimarum dominici comitis de Warr recognovit de jure ad prebendam meam de Warr pertinere Idem R quo ad vixerit viginti solidos annuatim predicte prebende persolvet scilicet decem solidos ad Pascha et decem solidos ad festum sancti Michaelis et ne inposterium de predicte litis decisione aliqua fiat dubitatio vel contra predictum R tractu temporis aliqua moveatur questio predictam litis decisionem tam fidei mee interpositione quam sigilli mei appositione confirmavi Hiis testibus Jordano decano de Warr magistro Nicholao Brit Willelmo de sancto Petro Eleutherio capellano Simone capellano Nicholao clerico Anketyll Radulpho Page et multis aliis
Source (click image below to view full size)
