Charter Document - 01870053
| Charter Number: | 01870053 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, A.D., Calendar |
| Resource Link(s): |
|
Charter:
Innocentius episcopus servus servorum Dei dilecto filio abbati de Criche Norwicen diocesis salutem et apostolicam benedictionem Dilecti filii decanus canonici ecclesie beate Marie de Warwic sua nobis petitione monstrarunt quod cum archidiaconus Wigornien contra ipsos ad priorem sancti Guthlaci Hereforden diocesis et conjudices suos super visitatione quam assent se habere in ecclesia ipsa et rebus aliis litteras apostolicas impetrasset eisdem judicibus decano Hereforden et collegis suis committentibus super hoc totaliter vices suas dicti decanus et canonici ex eo sentientes ab ipsis subdelegatis indebite se gravari quod iidem procuratorem eorum legittimum mandatum ad hoc sufficiens exhibentem admittere contra justitiam denegantes cum causa rationabili non subesset propter quod ipsi personaliter comparere deberent in negotio sibi commisso in eorum prejudicium nichilominus procedebant nostram presentiam appellarunt Quocirca discretioni tue per apostolica scripta mandamus quatinus si est ita revocato in statum debitum quicquid post huiusmodi appellationem inveneris temere attemptatum in causa ipsa juxta priorum continentiam litteram appellatione remota previa ratione procedas alioquin partes ad eorundem subdelegatorum remittas examen appellantem in expensis legitimis condempnando Testes autem qui fuerint nominati si se gratia odio vel timore subtraxerint per censuram ecclesiasticam appellatione cessante compellas veritati testimonium perhibere Dat Lugdun xii kalendas Julii pontificatus nostri anno tertio
Source (click image below to view full size)
