Charter Document - 01870047
| Charter Number: | 01870047 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1336 |
| Date type: | Internal, Feast, Regnal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Guydo prior sancti Sepulcri Warr et eiusdem loci conventus salutem in Domino Noveritis nos de communi assensu nostro remisisse et omnino pro nobis et successoribus nostris imperpetuum quietum clamasse decano et capitulo ecclesie collegiate beate Marie Warr et eorum successoribus totum jus et clameum quod habuimus vel habere poterimus in quadam venella in Warr extendente in longitudine a cimiterio ecclesie beate Marie predicte usque le Waldich versus prioratum nostrum sancti Sepulcri et in latitudine inter mansiones decani ecclesie beate Marie [et] domini Ricardi de Pacwod prebendarii dicte ecclesie ex parte una et mansiones domini Johannis de Norton et domini Ade de Herwynton prebendariorum dicte ecclesie ex parte altera Ita quod de omni chemino seu alio quocumque jure et clameo ad nos et successores nostros qualitercumque spectantibus decetero simus exclusi imperpetuum In cuius rei testimonium huic presenti scripto sigillum nostrum commune apposuimus Hiis testibus domino Rogero de Aillesbur milite domino Thoma de Brailles rectore ecclesie de Brightwelle domino Rogero de la Felde rectore ecclesie sancti Laurentii Warr Ricardo de Hull rectore ecclesie de Newynton Willelmo de Sutton de Warr Rogero le mercer de eadem Johanne de Tachebrok de eadem et aliis Dat in capitulo nostro sancti Sepulcri Warr die mercurii proxima post festum sancti Valentini martiris anno regni regis Edwardi tertii a conquestu Anglie decimo
Source (click image below to view full size)
