Charter Document - 01870042
| Charter Number: | 01870042 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1163 |
| Date type: | Internal, A.D., Calendar |
| Resource Link(s): |
|
Charter:
Alexander episcopus servus servorum Dei venerabili fratri G Lundonien episcopo et dilecto filio G archidiacono Wigorn salutem et apostolicam benedictionem Ex insinuatione canonicorum ecclesie sancte Marie de Warewic accepimus quod cum causam que inter eos et canonicos sancti Sepulcri super fructibus cuiusdam parochie vertebatur ex mandato nostro frater episcope dum adhuc in Hereforden ecclesia ministrares diligenter examinasse eosdem fructus causa cognita predictis sancte Marie canonicis adjudicastis Unde discretioni vestre per apostolica scripta mandamus quatinus si res ita se habet secundum quod ipsi fructus rationabiliter eis adjudicati fuerunt ita eos omni remota appellatione memoratos canonicos habere pacifice faciatis Dat Turon v kalendas Junii
Source (click image below to view full size)
