Charter Document - 01870038
| Charter Number: | 01870038 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1162 |
| Date type: | Assigned |
| Resource Link(s): |
|
Charter:
Dilectis sibi in Domino universis sancte matris ecclesie filiis frater Gillebertus Hereford ecclesie minister in Cristo dilectionem et salutem perpetuam Prona est presens etas in malum et que nascuntur facili difficulter jurgia conquiescunt Unde et pium duximus esse et ad conservandam pacem ecclesiarum de Warewich valde necessarium ut quod inter canonicos ecclesie sancte Marie et Omnium Sanctorum et Radulfum priorem sancti Sepulcri de Warewich sub nostra conscientia gestum est scripture testimonio in publicam notitiam evocemus Noverit itaque dilectio vestra memoratos canonicos nostro et aliorum quam plurium interventu illam portionem sue parochie quam eis ego et G[odefridus] Wigorn[iensis] archidiaconus apostolica adjudicavimus auctoritate predicto priori sancti Sepulcri Rad[ulfo] concessisse persone videlicet non ecclesie sancti Sepulcri annua pensione decem solidorum quoad ipse viveret et in officio prioris ibi ministraret possidendam Unde ne pretextu beneficii ipsi priori personaliter indulti ecclesia postmodum sancti Sepulcri aliquid sibi juris in hoc usurpare presumat quod gestum est in eum quo gestum est modum universitati vestre significare et sigilli nostri testimonio roborare curavimus Valete
Source (click image below to view full size)
