Charter Document - 01870037
| Charter Number: | 01870037 |
|---|---|
| Cartulary Title: | The Cartulary of St Mary's Collegiate Church, Warwick |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1162 |
| Date type: | Internal, A.D., Calendar |
| Resource Link(s): |
|
Charter:
Alexander episcopus servus servorum Dei venerabili fratri G Hereforden episcopo et dilecto filio Got Wigorn archidiacono salutem et apostolicam benedictionem Causam que inter ecclesiam beate Marie et Omnium Sanctorum et canonicos sancti Sepulchri de Warguic super parte cuiusdam parrochie et annua triginta denariorum pensione vertebatur discretioni vestre commisisse nos meminimus audiendam et absque apellationis obstaculo fine canonico terminandam Unde vos juxta mandatum nostrum utraque parte ante vestram presentiam convocata in negotio ipso debita diligentia processistis et rationibus tandem hinc inde et auditis diligenter et cognitis partem ipsam parochie et xxx denariorum pensionem sicut ex autentico scripto sententie vestre percepimus predicte ecclesie sancte Marie et Omnium Sanctorum adjudicastis Nos itaque eandem sententiam a vobis super eadem causa canonice promulgatam ratam et firmam habemus et eam auctoritate apostolica confirmamus discretioni vestre per apostolica scripta mandantes quatinus ipsam observari faciatis et executioni mandari ita quidem quod prefati canonici sancti Sepulchri nichil propter hoc ultra constitutam summam illis indebite solvere compellantur Dat apud Clarummontem vx kalendas Septembris
Source (click image below to view full size)
