Charter Document - 01870020

In nomine sancte et individue trinitatis notum sit omnibus sancte Dei ecclesie filiis presentibus et futuris quatinus ab incarnatione Domini MCXXIII regnante Henrico rege Rogerus comes adeptus consulatum Warewici ibi in honorem Dei et sancte Dei genitricis Marie et omnium sanctorum veneratione pro anima Willelmi regis Anglie expugnatoris eiusque uxoris regine Matildis et eorum filii Willelmi secundi regis atque in futura memoria anime Henrici regis Willelmi prioris filii et eius uxoris Regine Matildis secunde et pro eorum liberis et pro recordatione anime Rogeri de Belmund et eius uxoris Aeline et pro anima Henrici comitis sui patris qui prius hoc instituit et pro recordatione anime R comitis Mell et omnium fidelium defunctorum disposuit quatinus clerici ecclesie sancte M de Warew et clerici [ecclesie] Omnium Sanctorum que sita est in castello cum consilio et assensu et devotis petitionibus clericorum predicte ecclesie Omnium Sanctorum pariter et S[imonis] Wigorniensis episcopi deliberatione in memorata ecclesia sancte Marie omnes pariter canonico more Deo et sancte Marie diligenter die nocteque servirent salva integritate prebendarum suarum ipsi et successores eorum inperpetuum Et concessit ad eorum victus necessaria hec ecclesiam sancti Nicholai et ecclesiam sancti Laurentii cum x acris terre et una mansione et ecclesiam sancti Michaelis cum v acris terre et iii mansiones et ecclesiam sancti Sepulcri et sancte Helene et duas partes decimarum Bedifort de inlanda in Welesburna duas partes decimarum de inlanda et chircset et in Herdewic et juxta Longum Pontem ii carrucatas terre in Cherlecota dimidiam hidam et decimam de dominio et decimam duorum molendinorum in Fulebroc dimidiam hidam et duas partes decimarum de dominio et duas partes decimarum molendini ipsius ville in Snitenesfelt unam hidam et duas partes decimarum de inlanda in Claverdona duas partes decimarum de inlanda et similiter de pasnagio de toto nemore eiusdem ville in Sireburna dimidiam hidam et duas partes decimarum de inlanda in Mulvertuna dimidiam hidam et totam decimam de feudo comitis Warewic in Cota totam decimam et in molendinis et in aliis rebus et vivum et mortuum et decimam duarum carrucarum que sunt in Stoculla et Wudulau in Cumtuna duas partes decimarum de inlanda in Waltona Theodrici totam decimam de dominio et unius molendini in Waltona Spiliberti ii partes decimarum de inlanda et similiter duorum molendinorum et in prato juxta Berefort vi acras et ii garas et in prato de Alrefort vi acras et ii garas et infra et extra Warewic lx mansiunculas in Muetona totam decimam et totam tertiam partem de dominio et terram unius bubulci et iiii mansiones terre et ecclesiam de Gretham et ecclesiam sancti Johannis cum vi acris terre et ecclesiam sancti Petri cum una mansione et ecclesiam de Budebroc et totam decimam eiusdem ville cum omnibus adjacentiis suis et decimam de redditu burgi Warwici in Hetha i hidam in Caldecota dimidiam hidam et scolas Warewici et judicia ferri et aque et duelli et c acras in Cota et ecclesiam sancti Jacobi supra portam Warrewic et terram Wimundi capellani Has igitur possessiones prenotatas Rogerus comes quoniam ex tempore patris sui predicte ecclesie sancte Marie et ecclesie Omnium Sanctorum adjacebant presentis scripti sigillati corroboratione consilio Si[monis] Wigornensis episcopi et petitione clericorum utriusque ecclesie matri ecclesie sancte Marie ut predictum est concessit et inperpetuum confirmavit Preterea concessit quatinus haberent decanum et capitulum et fraternum conventum ipsi clerici in predicta ecclesia sancte Marie et ut ita libere et quiete et honorifice omnes res suas obtineant sicut Lincolienses et Salesburienses et Eboracenses sua ecclesiastice dicuntur obtinere Huius rei testes sunt Hugo filius Ricardi et Turstanus de Monte Forti Siwardus filius Turchil Galfridus de la Mare et Petrus filius Willelmi et Anschetillus filius R et R de Munnevilla et R de Bortona []