Charter Document - 01849147

Uniuersis Christi fidelibus presentibus et futuris hanc cartam uisuris uel audituris Henricus de Lakenham prior ecclesie Sancte Trinitatis Norwyc et eiusdem loci conuentus salutem in domino sempiternam Nouerit uniuersitas uestra quod cum Nicholaus de Bramerton quondam prior dicte ecclesie nostre et eiusdem loci conuentus nuper petissent per breue de ingressu uersus Iohannem filium Willelmi milis de Grymmere Plumstede dimidietatem unius mesuagii et duodecim acras terre cum pertinentiis in Grimmere Plumstede et uersus Isabellam que fuit uxor predicti Willelmi milis dimidietatem unius mesuagii et duodecim acras terre cum pertinentiis que spectant ad hereditatem prefati Iohannis in eadem uilla et uersus Thomam le Carpent tenentem dicti Iohannis unum mesuagium et duas acras terre et dimidiam cum pertinentiis in eadem uilla et uersus Philipum Birck tenentem dicti Iohannis dimidiam acram terre cum pertinentiis in eadem uilla Et cum ipse Iohannes ad instanciam communium amicorum tunc interuenientium et pro bono pacis habende concesset et reddidisset predictis priori et conuentui et eorum successoribus inperpetuum in curia domini regis coram Nicholao de Turry et sociis suis domini regis iusticiariis itinerantibus apud Norwycum duas acras terre cum pertinentiis ex predictis uiginti quatuor acris terre que quidem due acre terre cum partem iacent in una pecia in campis de Plumstede supradicta inter terram Iohannis Treghe et quamdam semitam que ducit a uilla de Plumstede uersus Possewyk et eciam Aliciam Neuge natiuam cum tota sequela sua et cum omnibus terris tenementis bonis et catallis suis mobilibus et inmobilibus ubicumque existentibus ac etiam cum predictus Nicholaus prior quondam dicte ecclesie et conuentus eiusdem in concordiam illam deberent confirmasse per cartam eorum prefato Iohanni et heredibus suis totum residuum dicti tenementi sui cum omnibus pertinentiis suis quod non compleuerunt Nos predicti Henricus prior dicte ecclesie et conuentus eiusdem uolentes omnem fidelitatem et securitatem faciendam et obseruandam super premissis communi assensu concessimus et hac presenti carta nostra confirmamus eidem Iohanni heredibus suis et suis assignatis predictum mesuagium quod tenet de feodo nostro et predictas uiginti duas acras terre residuas cum omnibus pertinentiis suis Tenend et habend de nobis et successoribus nostris et de ecclesia nostra supradicta inperpetuum libere pacifice et hereditarie in feodo Reddendo inde annuatim nobis et successoribus nostris tres solidos et sex denarios de censu ad festum Sancti Michaelis et faciendo per annum duas sectas curie nostre apud Grymmere Plumsted scilicet unam ad festum Sancti Michaelis et unam ad Pascha pro omnibus secularibus seruiciis et demandis Et insuper remisimus et omnino quietum clamauimus pro nobis et successoribus nostris imperpetuum eidem Iohanni et eius heredibus et assignatis totum ius et clamium quo uncquam habuimus et aliquo modo habere potuimus in predictis mesuagio et tribus acris terre cum pertinentiis que predicti Thomas le carpent et Philipus Birck tenent et tenuerunt de predicto Iohanne prout supradictum est Saluo quid ita tenementa uidelicet Thome le carpent et Philipi Birck una cum tenementis supradictis remaneant feoda nostra ad facienda omnia seruicia et consuetudines supradictas In cuius rei testimonium presenti carte commune sigillum capellani nostri fecimus apponi Hiis testibus dominis Thoma de Sancto Omero Roberto de Cathton militibus Iohanne filio Willelmi de Plumstede Edmundo de Plumstede Ricardo atte Gap Amis de Thorp Iohanne de Morlee Nicholao Asslack Iacobo le rous Stephano Richtwys Eudone de Possewyck Iohanne filio Iohannis de Plumstede Rogero Godesman Galfrido Basilye et aliis Dat apud Norwycum in capello nostro xi kalendas Octobris anno domini mcc nonagesimo octauo