Charter Document - 01820389

Cum nuper orta erat contentio inter Nicholaum le Mouner Petrum Cokerel Johannem Feuyerter Firminum Cokerel Petrum le Mouner et Radulphum le Mouner Mercatores Ambianenses et Corbienses querentes ex una parte et Adam de Toftes Rogerum de Morleye Willelmum But et Galfridum de Bungeye Ballivos Norwici et alios Ciues eiusdem Ciuitatis defendentes ex parte altera eo quod dicti Ballivi et ceteri Ciues petierunt ab eisdem Mercatoribus Ambianensibus et Corbiensibus pro quolibet granario suo weyde quatuor denarios pro quolibet doleo weyde quatuor denarios pro frello weyde quatuor denarios pro quolibet barillo cinerum duos denarios et pro qualibet mensura sua quatuor solidos Et eo quod vendiderunt weydam suam per cumbam et per busselum et cineres per barillos et woldam suam per petras Ista vero contentio die Sabbati in festo Apostolorum Petri et Pauli Anno Domini MCCLXXX sexto et regni Regis Edwardi dei gratia Regis Anglie filii Regis Henrici xiiij quieuit in hunc modum Videlicet quod Ballivi Norwici et alii Ciues eiusdem Ciuitatis pro eis et pro heredibus suis concesserunt prefatis mercatoribus Ambianensibus et Corbiensibus et omnibus aliis mercatoribus de villis predictis venientibus ad Ciuitatem Norwici cum mercandisis suis prenominatis quod libere liceat eis granaria sua weyde ibidem facere reddendo pro quolibet granario weyde Ballivis Ciuitatis predicte quatuor denarios tantum pro quolibet barillo cinerum duos denarios tantum Et si weydam adduxerint in frellis reddent Ballivis Norwici pro quolibet frello quatuor denarios tantum Concesserunt etiam eisdem mercatoribus quod liceat eis vendere weydam suam per cumbam et per bussellum et cineres per unum barillum integrum et woldam suam per petras cuicumque voluerint siue forinsecis siue intrinsecis si illa mercimonia in ciuitatem predictam adduxerint ita quod predicti Ballivi pro mensuris suis weyde seu pro venditione predicta nichil ab eisdem mercatoribus possint exigere Et etiam concesserunt eisdem mercatoribus quod possint antedicta mercimonia sua sic adducta pro voluntate sua abducere et ea vendere cuicumque alteri voluerint ita quod nullus eorum ab alio emat eadem mercimonia sic adducta nisi eadem extra ciuitatem et in partibus longinquis per decem leucas a Ciuitate Norwici distantibus per granarium integrum abducere voluerint faciendo Ballivis predicte Ciuitatis rectas et debitas inde consuetudines Et quod possint infra eandem ciuitatem commorari quam diu eis placuerit Et predicti Mercatores obligant se et omnes alios Mercatores Ambianenses et Corbienses mercimonia prefata in Ciuitatem Norwici ducentes dare Ballivis eiusdem Ciuitatis qui pro tempore fuerint quadraginta solidos per annum ad Natale Domini et Communitati Norwici vel suo certo atornato quadraginta solidos per annum ad Natiuitatem sancti Johannis Baptiste subiciendo eos districtionibus predictorum Ballivorum si contingat eos in dicta solucione dictis terminis deficere Concesserunt etiam quod si predicti Mercatores omnes seu plures ad Ciuitatem predictam cum mercandisis antedictis non venerint et unus de villis predictis veniat ad solutionem predictarum quatuor librarum in forma supradicta faciendam per predictos Ballivos compellatur vel ad consuetudines pro quibus prius orta erat contentio plenarie faciendas quas ipsos de iure facere conficentur prout iidem Ballivi et Ciues Norwici sibi viderint melius expedire In cuius rei testimonium sigilla predictorum Mercatorum Ambianensum et Corbiensum et sigillum Communitatis Norwici huic scripto in modo cyrographi confecto alternatim sunt appensa Actum die supradicto Temporibus domini Salomonis de Roffensis domini Ricardi de Boylund domini Walteri de Sterchesle magistri Thome de Sodinton domini Roberti Fulton et domini Walteri de Hobeton tunc apud Norwicum Justiciariorum domini Regis Itinerantium Testibus dominis Willelmo de Kerdeston Johanne le Verdun Willelmo de Redham Ricardo de Belhus Willelmo de Gyneye Radulfo Malherbe et Willelmo de Cringelthorp Militibus et multis aliis Ely