Charter Document - 01810056

Sciant presentes et futuri quod ego Herbertus Wyzhan de Biskelee concessi dedi et hac presenti carta mea confirmavi Alano Gamen de Baketon civi Norwici pro servicio suo et pro viginti solidis argenti quos mihi dedit in gersumam unam dimidiam acram terre mee arabilis cum pertinenciis in campo de Biskelee iacentem in cultura que dicitur Buvenzhestrete inter liberam terram ecclesie de Biskelee versus occidentem et terram Radulphi le Muner versus orientem cuius caput australe abuttat super terram Thome de Lund et caput aquilonale super terram Vincencii Schave sive plus sive minus in illa pecia terre contineatur Habendum et tenendum de me et heredibus meis predicto Alano et heredibus suis et suis assignatis cuicumque et quandocumque illam terram dare vendere vel assignare voluerit in quocumque statu fuerit libere quiete bene in pace et hereditarie inperpetuum Reddendo inde annuatim domino feodi pro me et pro heredibus meis duos denarios et obolum argenti ad duos terminos anni videlicet ad festum Sancti Michaelis unum denarium et quadrantem et ad Pascha unum denarium et quadrantem et ad viginti solidos scutagii quando evenerit unum obolum ad plus plus et ad minus minus et mihi et heredibus meis unum clavum gariophili ad Natale Domini pro omni servicio consuetudine secta curie et exactione seculari Et ego predictus Herbertus et heredes mei warantizabimus acquietabimus et defendemus predictam peciam terre cum pertinenciis sicut predictum est prefato Alano et heredibus suis et suis assignatis per predictum servicium contra omnes gentes inperpetuum In cuius rei testimonium huic scripto sigillum meum apposui hiis testibus domino Willelmo Picot Thoma de Bosco Johanne de Saham Johanne de Jelvertono Thoma de West Roberto de Wilteshyre Roberto de Hemehale Galfrido Stultone Philipo Osferth Thoma Vincent Willelmo le Cornur Willelmo Sefrey Johanne Pers Johanne clerico et aliis Datum ad festum Ascensionis Domini anno regni regis Edwardi filii regis Henrici undecimo