Charter Document - 01800189
| Charter Number: | 01800189 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1270 |
| Date type: | Internal, A.D., Feast |
| Resource Link(s): |
Durham Cathedral Archive - Misc.Ch.4089 (f1r) |
Charter:
Universis presentes literas inspecturis Adam de Pinkeni canonicus Ripon salutem Noveritis me ex causa mutui michi facti teneri domino Thome de Karleolo burgensi ac Majori Novi Castri super Tynam in quinquaginta marcis sterlingorum michi plene et integre numeratorum Ad quas quidem quinquaginta marcas sibi vel suo certo attornato seu procuratori fideliter et absque ulla cavillacione solvendas apud Dunelm in festo Purificacionis Beate Virginis Anni Domini Millesimi ducentesimi septuagesimi obligo me et omnia bona mea mobilia et inmobilia ubicumque fuerint inventa subjiciendo me in hac parte jurisdiccioni ac cohercioni cujuscumque judicis ecclesiastici quem dictus dominus Thomas elegerit ut possit me juris ordine non observato ad tocius dicte pecunie solucionem quacumque censura seu cohercione compellere renuncians in premissis omni excepcioni dilacioni cavillacioni et precipue non numerate pecunie nominatim et expresse regie prohibicioni excepcioni doli fori privilegio omnibus literis inpetratis ac inpetrandis et omni juris remedio quod michi prodesse sibi vero obesse poterit in hac parte Et ad majorem premissorum securitatem eidem fide jussores inveni dominum Henricum Spryng militem et Willelmum Gretheuidd qui se suos heredes executores et omnia bona sua dicto domino Thome in forma prelibata una mecum penitus obligarunt et in forma consimili omni remedio sibi competituro re nunciarunt In cujus rei testimonium dicti fide jussores sigilla sua una cum sigillo mea presentibus apposuerunt Actum in festo Sancti Johannis Baptiste anno supradicto
Source (click image below to view full size)
