Charter Document - 01800188
| Charter Number: | 01800188 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1239 |
| Date type: | Internal, A.D., Feast |
| Resource Link(s): |
|
Charter:
Viris venerabilibus et amicis In Christo dilectissimis capitulo Suwell humile Capitulum beati Wilfridi de Rypon salutem eternam In Domino cum misero data sit lux ut sibi possit providere ne corruat ad hoc eciam valet si labatur ut resurgat Ideo Domino misericorditer dispensando quem predestinavit lumine sue claritatis illustrat ut statum suum si ceciderit consideret et non solum ad justiciam quam amisit anhelet verum eciam ut In Ea perseveret omni circumspeccione meritis intendat cum igitur ad Hec facilius consequenda specialiter valeant mutuarum oracionum devota suffragia et alterna beneficia sepe contingit ut quod possibilitas propria non optinet aliorum intercessione donetur Hinc est quod vestram caritatem attendentes et quod pie postulatis vobis benigne concedimus et ut idem nobis faciatis devote postulamus scilicet ut alterna sint ecclesiarum nostrarum impostorum beneficia et maxime ut scita alicujus canonicorum morte quam cito se ingesserit oportunitas plene fiat pro eo servicium In choro dies obitus ejus scribatur In martilegio et singulis annis Anno revoluto cum Placebo et Dirige et Commendacione anime et missa In choro celebretur Simili modo et fiat semel In Anno die ad hoc specialiter assignato pro animabus vicariorum et aliorum clericorum Deo et Beate Marie de Suwell et beato Wilfrido de Rypona ministrancium quod quidem necesse est ut tanto arcius custodiamus quanto magis cujus res prius In judicium deduci debeat ignoratur ne igitur hoc tantum beneficium tanta caritate concessum communi assensu provisum posteritate temporum necligencia vel ignorancia frustrari vel tradi possit oblivioni quod ore et mente vobis concedimus presenti scripto sigilli nostri apposicione roborato quantum In nobis est confirmamus Actum Anno Gracie MCCXXXIX In festo Michaelis Valete semper In Domino
Source (click image below to view full size)
