Charter Document - 01800158
| Charter Number: | 01800158 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1301 |
| Date type: | Internal, A.D., Feast |
| Resource Link(s): |
|
Charter:
Hec carta cyrographata testatur quod Capitulum Rypon unanimi consensu dedit concessit et confirmavit Nicholao de Bondegat capellano unum toftum et unam placeam terre cum pertinenciis in Rypon videlicet illud toftum quod jacet inter mesuagium predicti Nicholai et mesuagium domini Willelmi filii Walteri Fullonis capellani in Rypon Et illam placeam terre que jacet inter mesuagium Roberti de Holtby clerici et mesuagium domini Willelmi de Roderham capellani et abbuttat super aquam de Skel in Rypon habenda et tenenda predicto Nicholao heredibus suis et suis assignatis de capitulo predicto in perpetuum reddendo inde per annum commune predicti capituli in tota vita ipsius Nicholai decem et octo denarios argenti videlicet medietatem ad festum Sancti Martini in hyeme et alteram medietatem ad festum Pentecostes pro omni servicio Et post decessum ejusdem Nicholai heredes vel assignati dicti Nicholai pro dictis tenementis commune ejusdem capituli annuatim reddent duos solidos ad terminos predictos pro omni servicio Et predictum capitulum predicta toftum et placeam cum pertinenciis predicto Nicholao et heredibus suis et suis assignatis contra omnes homines pro predicta firma in perpetuum warantizabit Et predictus Nicholaus concessit pro se et heredibus suis et suis assignatis quod si predictus redditus aliquo termino prenotato non fuerit solutus bene licebit prefato capitulo ipsum Nicholaum heredes suos et suos assignatos tam in predicto mesuagio ipsius Nicholai quam in predictis tofto et placea predicti Nicholai distringere et districciones retinere quos que de predicto redditu ut predictum est commune predicte totaliter fuerit satisfactum In cujus rei testimonium tam predictus Nicholaus quam predictum capitulum huic carte cyrographate sigilla sua alternatim apposuerunt Hiis testibus Philippo de Wylugby magistro Willelmo de Grenefeld Egidio de Audenarde Johanne de Benstede Rogero Swayn Thoma de Sabaudia Thoma de Corbrigg canonicis ecclesie Rypon Ricardo de Beverlaco tunc ballivo Rypon Patricio de Brafferton tunc custode hospitalis Beati Johannis Baptiste Rypon Willelmo de Clouther Willelmo Tinctore Ricardo de Stowe Johanne de Ebor Alano Coistan Willelmo de Schirwod et multis aliis Dat[um] Rypon in festo Sancti Dionisii Anno Domini Millesimo trecentesimo primo
Source (click image below to view full size)
