Charter Document - 01800125
| Charter Number: | 01800125 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1263 |
| Date type: | Internal, A.D., Calendar |
| Resource Link(s): |
|
Charter:
Universis Sancte Matris Ecclesie filiis presens scriptum visuris vel eciam audituris Willelmus decanus et capitulum beati Petri Eboracensis salutem in Domino sempiternam Noverit universitas vestra quod cum dominus Thomas filius Briani canonicus ecclesie Rypon religiosos viros abbatem et conventum de Fontibus super quibusdam decimis et rebus aliis provenientibus de Sleningford et de Winkesley locis monasterii antedicti et super decimis servientum dictorum abbatis et conventus commorancium infra limites prebende sue predicte occasione ejusdem prebende traxisset in causam tandem causa hujusmodi composicione amicabili conquievit prout in quodam instrumento confirmatoria sigillo venerabilis patris domini Godefridi Archiepiscopi nostri plenius continetur Quam quidem composicionem in quantum tangit prebendam predicti domini Thome in ecclesia Ryponense et eciam ecclesiam Rypon ad instanciam parcium confirmavimus In cujus rei testimonium sigillum capituli nostri presentibus est appensum Dat[um] apud Ebor[] Idus Novembris Anno gracie millesimo ducentesimo sexagesimo tercio
Source (click image below to view full size)
