Charter Document - 01800113
| Charter Number: | 01800113 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1306 - 1313 |
| Date type: | Assigned |
| Resource Link(s): |
Borthwick Institute - Register 8 (f48r) |
Charter:
Sciant presentes et futuri quod ego Willelmus de Thorp custos hospitalis Sancti Johannis Baptiste Rypon de consensu venerabilis patris domini Willelmi Dei gracia [] dedi concessi et hac presenti carta mea confirmavi Willelmo de Meaux et Matildi uxori sue ac eorum heredibus unum mesuagium cum curtilagio adjacente in villa Rypon in vico qui dicitur Bondegate illud videlicet mesuagium quod jacet inter dictum hospitale ex parte boriali et mesuagium Gilberti le Chapman ex parte australi tenendum et habendum dictum mesuagium cum pertinenciis de me et successoribus meis inperpetuum predictis Willelmo de Meaux Matildi uxori sue et eorum heredibus libere quiete bene et in pace Reddendo inde annuatim michi et successoribus meis qui pro tempore fuerint sex solidos sterlingorum ad duos anni terminos videlicet medietatem ad festum Sancti Martini in hyeme et aliam medietatem in festo Pentecostes pro omnibus secularibus serviciis exaccionibus et de mandis Et ego predictus Willelmus de Thorp dicti hospitalis custos et successores mei predictum mesuagium cum omnibus suis pertinenciis dictis Willelmo de Meaux Matildi uxori sue et eorum heredibus contra omnes homines warantizabimus acquietabimus et in perpetuum defendemus In cujus rei testimonium sigillum meum presentibus est appensum Hiis testibus dominis Simone Warde Roberto de Coygners militibus Willelmo de Aldefeld Willelmo de Shirwod de Rypon Nicholao Huberd de eadem et multis aliis