Charter Document - 01800038

Universis sancte matris ecclesie filiis presentes litteras ad modum cyrographi duplicatas visuris vel audituris Capitulum ecclesie Sancti Wilfridi Rypun salutem in Domino sempiternam Noverit universitas vestra quod cum dominus Nicholaus de Bondegate capellanus pro salute anime sue parentum et antecessorum et successorum suorum dederit et concesserit Deo et ecclesie Rypon predicte ac canonicis Deo servientibus ibidem in perpetuum duo mesuagia cum pertinenciis in villa Rypon unum videlicet ad domos ibidem construendas pro vicariis ejusdem ecclesie ipsas perpetuo in habitaturis et aliud ad sustentacionem domorum in dicto mesuagio constructarum prout in cartis feoffamenti predicti Nicholai inde confectis plenius continetur Nos affectionem gratuitam dicti domini Nicholai propensius attendentes tenore presencium concedimus et eciam ordinamus pro nobis et successoribus nostris in perpetuum quod predicti vicarii in confectione presencium superstites videlicet domini Hugo de Penyngston Willelmus de Ellerker Ricardus Paa Robertus de Asmunderby Thomas filius Roberti Mariory et Johannes de Kyllum quamdiu vixerint et quilibet alii locum eorum tenentes et sibi perpetuis temporibus succedentes singulis diebus per annum pro anima prefati domini Nicholai parentum et antecessorum et successorum suorum et omnium fidelium defunctorum servicium mortuorum videlicet Placebo Dirige et Commendacionem jugiter dicant prout decet quodque per aliquem ipsorum missam pro defunctis ad altare Sancti Johannis Apostoli et Evangeliste in ecclesia memorata ante celebracionem misse de Domina pro animabus supradictorum singulis diebus ut premittitur devote faciant celebrare ac eciam duos obitus singulis annis in choro nostro cum aliis ministris dicte ecclesie plenaria et sollempniter cum Placebo Dirige Commendacione et missa pro animabus eorundem et omnium fidelium defunctorum dicant devote videlicet unum pridie Idus Novembris et alium decimo Kalendas Julii in perpetuum Et ad omnia et singula premissa fideliter observanda predicti vicarii superstites in pleno capitulo in presencia nostra tactis sacrosanctis evangeliis corporale sacramentum prestiterunt Cum autem dictum Nicholaum rebus humanis eximi contigerit similiter concedimus et eciam ordinamus quod ejus anniversarius dies in forma prescripta cum ea devocione et sollempnitate qua convenit singulis annis in perpetuum celebretur Et ut omnia supradicta futuris temporibus rite procedant et robur firmitatis optineant ordinamus per presentes quod omnes vicarii in perpetuum successuri priusquam admittantur in vicarium et statu vicarie gaudeant aliquali de omnibus et singulis premissis fideliter observandis consimile prestent sacramentum Et ut premissa omnia et singula robur optineant perpetue firmitatis presentes litteras ad modum cyrographi duplicatas penes dictum Nicholaum residentes sigillo communi capituli nostri fecimus communiri Hiis testibus Dominis Symone Ward patre Symone Ward filio Roberto de Nonewyk Roberto Coyners Willelmo de Stopham militibus Johanne le Gras Willelmo Ward Nicholao de Hewyk Johanne de Slyngesby Willelmo de Clutherum Willelmo Tinctore Johanne Willelmo Stephano et Nicholao filiis ejus Johanne de Ebor[] Ricardo de Stowe Nicholao Huberd et Johanne fratre ejus Willelmo de Schyrwod et Roberto fratre ejus Alano Colstan Hugone de Schalton Willelmo le Vauasur Willelmo dicto Schot Willelmo Seriaunt et multis aliis Dat[um] Rypon iiij Kal Junii Anno Domini Millesimo trecentesimo quarto et anno regni regis Edwardi filii regis Henrici tricesimo secundo