Charter Document - 01800034
| Charter Number: | 01800034 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1285 |
| Date type: | Internal, Calendar, Papal |
| Resource Link(s): |
|
Charter:
Celestinus Episcopus servus servorum Dei universis Christi fidelibus per Eboracensem dioecesim constitutis salutem et apostolicam benediccionem Quoniam ut ait apostolus omnes stabimus ante tribunali Christi recepturi prout gessimus in corpore sive bonum sive malum oportet nos diem messionis extreme misericordie operibus prevenire et eternorum intuitu seminare in terris quod reddente Domino cum multiplicato fructu colligere debeamus in celis firmam spem fiduciamque tenentes quoniam qui parce seminat parce et metet et qui seminat in benedictionibus de benedictionibus et metet vitam eternam Inde est quod universitatem vestram rogamus inchoamus et hortamur in Domino atque in remissionem peccatorum vobis injungimus quatenus ad reparacionem ecclesie de Rypon cum indigeat reparari nec ad hoc proprie suppetant facultates de bonis a Deo vobis concessis pias elemosinas et grata subsidia conferatis ut per vestra et aliorum Christi fidelium suffragia prefata ecclesia valeat juvante Domino reparari et vos per hec et alia bona que ipso Domino inspirante feceritis ad eterna felicitatis gaudia mereamini pervenire Dat Rome apud Sanctum Petrum xj kalendas Junii pontificatus nostri anno primo