Charter Document - 01800027
| Charter Number: | 01800027 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei venerabili fratri archiepiscopo Ebor salutem et apostolicam benediccionem Justis petencium desideriis dignum est nos facilem prebere et vota que a racionis tramite non discordant effectu complere Sane peticio tua nobis exhibita continebat quod tu de tui consensu capituli statuisti ut quicumque prebendam de Staynewikes in Riponensi ecclesia tue dioeceseos obtinuerit perpetuo in eadem ecclesia residere personaliter teneatur prout in literis confectis exinde plenius dicitur contineri Nos itaque tuis precibus inclinati quod super hoc proinde factum est dummodo per hoc nullum his qui nostris vel fratrum nostrorum immorantur obsequiis generetur prejudicium ratum habentes et gratum illud auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmacionis infringere vel ei ausu temerario contraire Si quis autem hoc attemptare presumpserit indignacionem Omnipotentis Dei et beatorum Petri et Pauli apostolorum Ejus se noverit incursurum Datum Neapoli Idibus Januarii pontificatus nostri anno primo